چیە گوارە بەگوێ هـــــەڵت واسیوە
ســــەروژێرومعـــــــــلق لەونەدیوە

زەعیف وبێ کەس وبێ یاروهاودەم
بەبی دەنگوسەدا هــــەروەك هەتیوە

بەگوێ گیراوەوازەرد هەڵــــگەراوە
وەیــــــــالەودەرکوبانە گوێت بریوە

لەترسی ماری زوڵفت هەڵدەلەرزی
لــــەبۆیــــــــەزەردوزار
وراچەنیوە

عەجایب جیری کردلەم جێیەسەختە
بــــــــەجێماوەبەتەنیــــــالەم پەسیوە

بەگوێ هـــــەڵت واسیوە ئەم نەفامە
کەچی پێی وایەتـــــۆ بۆگوێت کریو
(سید کاملی ایمامی زمبیلی)

ئەی سەروبڵند قــــــەد و برۆ تـــــاق و مەمك جووت
چێ دەستی دەگاتە بەی و نــاری نـــە گەیشتووت

دەم هـــەم دەمــــی خونچێکە نەپشکوت و هێشتا
با کەشفی نەکرد بەرگی عەطرپۆشی گوڵی رووت

گریــــانی من و خــــەندەی تــــۆ ئێستا دە شوبهێ
بـــــەو مەوسمی بــــارانە کە وا خونچە دەپشکووت

خل خالی قـــەدم وەك غــەمی زولفەینی سەراپات
بشتانی قـــــەدت بێتوو فیدای بـــــازنی بـــــــازووت

خاڵی نیە (نـــــــــــالی) دڵەکەت ساتێ لە هیجران
تـــاتـــــــاری وجودت نەپەسێنێ مـــــەلەكول مەووت

شاعیری گەورەی کورد
(نـــــــــــــــــالی)

EbasKemendî -عـــه بـــاس کــه مــه ندی

فەلسەفی دڵــــــــداری

کەجۆگــــا یێــــکەڵی چــەم بێ وچەمیش ێـــــــکەڵ بە دریابێ
شەماڵیش پـــــر لــــە هەستی بێ نیە شت تــــــاکو تەنیابێ

بــە قـــانونی خـــودا ئەشـــیا ئەبـــێ تێــــــکەڵ بــــــــە یکتربن
ئیتـــــــــر بــــۆچی مـــن و تـــۆ تێــــکەلی یەکـــتر ببین نــــابێ

کەچێوەکـــەش بکەن مـــاچی هــەمووئـــــاسمانی بەرزوشین
شەپۆلیش هەر وەکو دڵـــدار لــەمل یـــەك دەستی ئـــالابــــێ

ئەبەد نابێ کە خوشکی گوڵ برای دەرکــــــــات و لێی دووربی
کەتیشکی رۆز زەمینی هـــەر وەکــــــــو دوولبــەر لــەکۆشابی

ئــەوا مانگیش ئەکا ماچی بەحر گــەر تۆش نەکــەی مــــــاچم
هــەمــــووی بــێ کەڵکە ئەم ماچـــانە بـــێ تۆ فایدەی نـــابێ


شاعیری گەورەی کورد
(مامۆستا ئه‌حمــــــد هەردی)

دڵ وەکــــــو بولبول لەهیجری نەگــــوڵی ئەڤغــــــانـە کا
نــــــاری جەرگو و سۆزی سینەم عالــــەمێ بوریــانە کا

وادیــــــارە لــــــەم ووڵاتـــی کـــــۆســــــارە عـــــــادزە
مەیلی خـاکی گەرمە سێرو هەم قــــــەڵای شیروانە کا

ئەم ووڵاتە بــــێ سەفایە ساردە بـــــــۆ عوشاقی رووت
ئیشتیاقی بـــــەر هەتـــاوی روومەتی خـــــووبـــــانە کا

بـــــارش و بـــــــارانی هــــــەوری چـــــــاوەکانم جــاریە
زڵمـــــــە یـــاخود تـــــانجەرۆیە تێــــــکەڵی سیروانــە کا

هەر کەسێ ئەمرۆ لەرێگی ئــــــەم نیــــگارە رێــی ببێ
بۆسبینێ گەب بەموڵک و تەختی شـــــــا و سوڵتـانە کا

ئانفەرین بۆ لـــــەشکری موژگەن و زوڵفینی ســـــــیات
وابە یــــــەك دەم موڵکی جـان ودڵ هەمــــوو وێــرانە کا

بەرقی ئاهو وسەیلی دیدەی من لە هیجری دوول بەرم
هـــــــەر ئەڵێی هەوری بەهــــــارە نــــاڵە و تۆفانە کــا

مەحمەلی لــــەیـــــلا دەخیلـم تــــۆ بەتـــوندی وا مەرۆ
عاشقی مەجنون سیفەت لــەم دەشتە دا گـــریـــانە کا

وا بە یادی تیغی ئەبرۆی دوول بەری بــێ رەحمی خۆی
(احمــــــــد)ی عاشق خەریکە روحی خۆی قوربانە کـــا


شاعیری گەورەی کورد
(احمـــــــــد موختار جـــــــاف)

ئۆخەی ئۆخەی چەندە یارم نازەنینە شۆخ و خـــــۆش
وەك کری دارە بەخەندە وا بەغــــەمزە خــــــــــــۆفرۆش

ئەوشـــەکر گوفتارە وەکو توتـی منی خستە قســــــە
نوخشەبێ ئـەوجا لەخونچە موژدە بێ بولبول لەتۆش

ئەو گوڵە دەمووتم کـەبـــێ داوێنی ئەگـــــرم وەك درك
نەم ئــــەزانی ئــەوکەبــێ نابێ بمێنێ ئەقڵ و هۆش

دڵ پــــــر و خــــاڵی دەرونن عاشقانت مسلی نـــەی
گەر رەقیب دەمیان لە دەم نێ جامەگـەر بێنە خەرۆش

تۆکە پر مەغزە بـــــــرا کاسەی سەرت دەست هەڵگرە
نۆبەیانە باپــری کەن کــــاسە خاڵی کــــەن لە بــــۆش

من کە مەی خوارم لەگـەڵ شێخ وادەمان ڕۆژی حەشر
نۆشی گیـانی بـێ بنۆشێ خوێنی جەرگی بادە نۆش

ئــــەو ئـــــەوا دەرکەوت و رۆژئـــــــــاوا ئەزانی بۆچی بوو
عەیبی بوو چێشای بەسەریا شەو وەکو سەر پۆش پۆش

(حەمـــــــــــدی) ا ئەمرۆکە عالەم گوێ قوڵاغی ناڵەبن
دەست بە دمیتەۆ بگرە تۆ دوونیای نابێ قـــەت خامۆش

شاعیری گەورەی کورد
(حـــــــەمـــــــــــــــدی)

بۆسەی ڕۆژگار

نیمە هاواڵێ لە گۆشەی بێ کەسی دا خەم نـــەبێ
چاکە ئەو لێرەش وەفای هەرماوە سایەی کەم نــەبێ

لاپـــەرەی ژینم هەمMوو هـــــەڵدەیتەوە تێی دانیـــــە
باسی فرمێسك و هەنـاسە و شیوەن و ماتەم نەبێ

ڕۆژگـــــــاری سپڵە بــــۆمن بۆسە یەکی نــــــــــایە وە
نەم دی هەر تیرێکی دەی هاوێ بەرەو سینـەم نەبێ

رەنجی دووری دووڵبەرم بـــــــۆ کوشتنی من کافیــــە
گەرلە دوونیادا ئەمن هیچ مــــەی نەتیدیکەم نــــەبێ

کوادەزانێ چەند پەرێ شان و پەشێوە حـــــــاڵی من
ئەو کەسی جیرۆدەی ئــــەگریجە و پــــەرچەم نەبــێ

رەمزی دڵ داری لـــــــەزینێ فێرنە بوو یــــــارم دەنــــا
کوائەوین داری وە فـــــاداری وکومن مــــــەم نەبـــــێ

چیژی شاریمان لەخوی وەرگرتووە چـــــارشێوی رەش
داخەکەم نەمدی لەوێ مانگێکی دەورەی تــەم نەبــێ

شــــــــادی جارێکی بەمیوانــــــی نهاتــــۆتە دڵـــــــم
رەنگە خەڵوت خانی خـــەم شوێنی نامەحرەم نەبــێ

خۆم دەسوتێنم هەتــــــابەزمی خەڵک رۆشن بــــکەم
چێ لەرێی خەڵکا وەکو شاعیر دەسووتێ شەم نوبێ

شاعیری گەورەی کورد
مامۆستا(هێـــــــــــــمن)
 

بـــــــێ هـــەســـتن

لەمێژە من کەزە دەی غەمزەی دوو نێرگزی مەستم
ودوای زوڵفی کەکــــەوتم بەشێتی چـــابوو خەلستم

دڵـــــــی پساندم و رۆی بۆوەم بـــــەڵام چــــــابوو
گـــــــەراوە لام بە تــــــایەکی بسکی ووی بـــەستم

هـــــەڵاوساوە دڵ و مـــن لەدووی لە پــــێ کەووتم
مەگـــــەر بە رەورەوە گـــــاگۆ لکەکەم لەبێ خستم

بـــەپیری سەیرە چۆن بوومە بەندی پیــــر و جحێل
وەکــــو هـــــەڵاڵە لە دەشتی گــــــوڵام و پێ پەستم

کەدێتە باغ بە خیـــــاڵم لـــــە دەست و پێی ئــــــاڵێم
کەچی بەداخەوە خۆ بەنـــد نەبوو لــــــەوێش دەستم

جنێوی دابوو بە مــــن یـــــــار بەلێێوی شیـــــرینی
منیش شەوێـــــکی بەبێ دەنگی چـــومەلای گەستم

لەوێ شەوێ دەم و لێوی (ایمــــــــــــــامی)چسپاوە
ووتـــــەی نەماوە ئـــــــاوا بۆیە ئێستا بــــێ هەستم

شاعیری گەورەی کورد
(سید کاملی ایمامی زەمبیلی)

خه‌تتی ده‌وری لێوی ئاڵت ئه‌ی مه‌سیحا لام و بێ
هه‌ر له جامه‌ی سه‌بز ئه‌چی بۆ غه‌ین و نوون و چیم و هێ

... غونچه بازاری نه‌زاکه‌ت‌داری و ته‌نگی شکاند
هه‌ر که زاهیر بوو له ده‌وری باغی حوسنت لام و بێ

له‌ب شه‌که‌ر تا که‌ی له حه‌سره‌ت خاڵی موشکینت دڵم
داغدار و خه‌سته بێ وه‌ک لام و ئه‌لف و لام و هێ؟

لاله روخسارم له سایه‌ی ئه‌شکی خوێنین ره‌نگه‌وه
چوونکه رووسوورم له قاپی عه‌ین و شین وقاف و تێ

عیشقت ئه‌ی جانا،منی ریسوایی عاله‌م کردووه
چاکه ئینسافت ببێ بۆ ئه‌لف و سین و تێ و هێ

ئیسته بۆ لاف و گه‌زاف هه‌ر که‌س ده‌بینی عاشقه
نه‌ک هه‌موو که‌س جان فیدا وه‌ک میم و حێ و واو و یێ

مه‌حوی ئه‌مرۆ زۆر نه‌خۆشه قه‌ت شیفای نایێ به هیچ
گه‌ر شیفای بێتن،به بۆیی زوڵف و ئه‌و ئه‌گریجه دێ

(مــــەحــــــوی)

هیوا مەگری، هەنسکی نیوەشەو بەس هەڵ دە، بەس بگری
لە چاوی بێ قەرارم بۆچی دەرمانی وەنەوز ئەبڕی؟
کوڕی خۆم، کۆرپەڵەم، میوانی دونیای تازە خوڵقاوم
ئەدا گریەت، بە زەبری چز، لە ڕۆحی پڕگلاراوم
...چیە ئەو گریە بێ غایە، کڕووزەی نیوەشەو، خورپێن؟
چیە ئەو قەترە وردانەی لە چاوت بێ مەئال ئەڕژێن؟
لەگەڵ ئەو غونچە ساوایەی لە سەر خەڵفی بەهار ئەڕوێ
چیە فەرقت؟ لە بەر چی ئەو هەتاکوو سیس ئەبێ ئەنوێ
وەکوو ئەو بەرخە بچکۆڵەی کە هەر ئێستا لە دایک بوو
لە بەر چی نەشئەی یاری، هەڵت ناداتە سەر پاشوو؟
ئەڵەی ئەو زەڕنەقووتەی پەپکەمارە، فەڕشی هێلانەی
چ ئێشێکە، کوڕم؟ بۆ چی لە سەر ئەو هەڵکڕووزانەی؟
چیە توخوا؟ چ سڕێکە وەها مەحکوومی گریانی؟
کە تۆ هێشتا لە خەم ناگەی، لە مەعنای گریە نازانی
ئەگەر وەک باوکە حەسرەت دیدەکەت، زەهرت بچێژایە
زەمان گەردی ئەمەلتی گشت، بە دەم باوە بپێژایە
لە ناو کڵپەو و بڵێسەی نائومێدی و حەسرەتا یەکسەر بسووتایە
بەهاری عومری جوانیت، هەم گوڵ و هەم بەر، بەڵێ ڕۆڵەم
ئەگەر وەک من کەمێک بەدبەختی ئیدراکیش لە تۆشی رەش بکردایە
نە وەک شەو، ڕۆژی ڕووناکیش، حەقت بوو
حەقت بوو عەرش بلەرزێنی، بە ناڵەی ڕۆحی پڕ ئێشت
لە ئەستێرەی سەما بپژێنی فرمێسکی دڵێ ڕێشت
حەقت بوو ئەو هەموو گریانی نامەفهووم و بێ مەعنا
زمانی بەست و تەقریری شکاتت بێ، لە دەست دونیا
حەقت بوو بێ وچان بگری، بە سەر تاوانی باوکیما
بەحر پڕ کەی لە تف، بیدەی بە ناوچاوانی باوکیما
بەڵام ڕۆڵەم، کە تۆ هێشتا لە فەجری زیندگانیتای
لە بەر دەرگای تەلسمی بەخت مەجهوول و نیهانیتای
بە چی مەعلووم بە شوێن هی منا ئەڕژێ، چەمی عومرت؟
سەراسەر پێ کەنین و خوڕڕەمی نابێ، خەمی عومرت؟
بەڵێ بەرخم، ئەگەر چی هەر وەکوو یەک ژینی گش لایە
لە بەینی بێشکە و قەبرا، بڕینی عەینی ڕێگایە
هەموو هەر قافڵەی بێ ئیختیاری سەر زەمینێکین
هەموو دێین و دەڕۆین تاکوو ئەگەین، یەعنی ئیتر ئەمرین
وەلێ کۆچی ژیان، کۆچێکی پڕ سێحر و پڕ ئەفسوونە
لە یەک سەرچاوە دوو قەترە، یەکێ لێڵ و یەکێ ڕوونە
هەیە وەک من بە سەر دڕکا ئەنێ هەنگاوی ئاوارە
هەیە هی واش کە فەڕشی ژێری پێی، ئاوریشمی گوڵزارە
ئەوەندەی ڕۆحی مەئیووس و مەلوول تاری ئەکا دونیا
ئەوەندەش نوور لە ڕۆحی شادەوە، ئەڕژێ بە سەر سەریا
کوڕم، هەر وەک لە ئوعجووبەی ژیانا بەختی بەد ئەگری
شتێکیش بەختیاری، پێ کەنین، گرتوویە چوار دەوری
بە خۆڕایی مەترسە، خەم مەخۆ، مەگری، لە ئەستێاوە
بە چی مەعلووم کە چی لەو تەختی ناوچاوانە نووسراوە؟

گۆران

كۆرِێكی رێزلێنان بۆ (عوسمان هه‌ورامی) ساز ده‌كرێت

 12/Jan/03

(PNA)- كۆرِێكی رێزلێنان بۆ گۆرانیبێژی ناسراو (عوسمان هه‌ورامی) له‌ شاری مه‌ریوان سازده‌كرێت.

ئه‌م چالاكییه‌ له‌ 8 ئادار/ مارس 2012، له‌لایه‌ن ناوه‌ندی فه‌رهه‌نگی- هونه‌ریی ڤه‌ژین (مه‌ریوان) بۆ پاراستنی چاندی ناوچه‌ و شیكاری زانستیانه‌ی موزیكی هه‌ورامی ساز ده‌كرێت.

رێكخه‌رانی ئه‌م چالاكییه‌ له‌ راگه‌یه‌ندراوێكدا كه‌ كۆپییه‌كی ده‌ست ئاژانس و رادیۆی په‌یامنێر كه‌وتووه‌، تێیدا داوا له‌ هونه‌رمه‌ندان، نووسه‌ران،توێژه‌ران كراوه‌، وتاره‌كانیان بۆ نووسینگه‌ی ئه‌و كۆرِه‌ رێزلێنانه‌بنێرن كه‌ له‌ شێوه‌ی كۆنگره‌یه‌ك به‌رِێوه‌ ده‌چێت.

ئه‌م ته‌وه‌رانه‌یش بۆ كۆنگره‌كه‌ دیاری كراون: "شیكاریی و لێكدانه‌وه‌ی گۆرانییه‌كانی مامۆستا (عوسمان) هه‌ورامی)"،"ره‌وتی مێژوویی گۆرانیبێژیی موزیكی هه‌ورامی"، "هه‌ڵسه‌نگاندن و به‌راوردی تایبه‌تمه‌ندییه‌كانی و ته‌كنیكه‌كانی موزیكی هه‌ورامی له‌گه‌ڵ موزیكی ئێرانی و موزیكی كلاسیكی رۆژئاوا"، "لێكدانه‌وه‌ی كۆمه‌ڵناسیانه‌ و مرۆڤناسیانه‌ی موزیكی هه‌ورامی" و "خه‌سارناسیی گۆرانی و موزیكی هه‌ورامی".

وتاره‌كان ده‌بێت به‌ زمانی كوردییان فارسی بێت و له‌ رێگه‌ی ئیمه‌یلی كۆنگره‌ hemayesh@vejin.org یان نووسینگه‌ی كۆنگره‌ به‌ ده‌ست رێكخه‌رانی كۆنگره‌ ده‌گات.

(عوسمان هه‌ورامی) یه‌كێك له‌ گۆرانیبێژه‌ میللییه‌ ناسراو دیاره‌كانی ناوچه‌ی هه‌ورامانه‌.

پیامنیر

محەممە‌د و ئەسرا زۆرترین ناو لەنێو منداڵانی مەهابادی

سەرۆکی ئیدارەی سەبتی ئەحوالی مەهاباد وتی : ناوەکانی محەممەد لەنێوکوڕان و ئەسرا لەنێو کچان، زۆرترین ناو لەنێو منداڵانی ئەو شارە بووە.

 یووسف میکاییلی ، لە وتووێژ لەگەڵ کورد پرێس، وتیشی: لەسەرجەم یەک هەزار و شەشسەدوچل منداڵی کوڕێک کە ئەمساڵ لەدایک بوونە "محەممەد"زۆرترین ناوی بە خۆی تەرخان داوە.

ئەو هەروەها وتیشی: لەنێو کچانیش دا لەسەرجەم هەزار و شەشسەد و یازدە کچکە لە دایک بوونە لەم شارە " ئەسرا" زۆرترین ناو بووە.

ئەو وتیشی: لە ئازەربایجانی ڕۆژاوا، لەنێو کوڕان دا ناوی " محەممەد"،"عەلی"،"ئەمیرحسێن" زۆرترین ژومارە و لەنێوکچانیش دا ناوگەلێکی وەک" فاتمە"،"زەهرا"و"ستایش" زۆرترین ناوگەلێک بوونە کە دانراون.

radio sorani

 دیوانی شاعیرانی عێراقی بۆ جاری دووه‌م له‌ ئێران چاپ ده‌كرێت

12/Jan/04

(PNA) ـ دیوانی شیعری "پاشماوه‌ی وڵاته‌كه‌م" به‌رهه‌می شاعیرانی عێراقی، بۆ جاری دووه‌م له‌ ئێران چاپ ده‌كرێت.

له‌ رۆژانی داهاتوودا دیوانی شیعری"باقیمانده‌ وتنم" واته‌ "پاشماوه‌ی وڵاته‌كه‌م" كه‌ هه‌ڵبژارده‌یه‌كه‌ له‌ به‌رهه‌مه‌كانی شاعیرانی هاوچه‌رخی عێراقی و سه‌باره‌ت به‌ ره‌نج و ئازار و مه‌ینه‌ته‌كانی خه‌ڵكی عێراقه‌ له‌ سه‌رده‌می حكومرِانی سه‌دام حوسن و جه‌نگه‌كان و ئه‌و شڵه‌ژان و ئاواره‌یی و سه‌رلێشێواوییه‌ كه‌ ئه‌و وڵاته‌ له‌و ساڵانه‌ی دواییدا پێیدا تێپه‌ڕیوه‌، بۆ جاری دووه‌م له‌ ئێران چاپ و بڵاوده‌كرێته‌وه‌.

سه‌رجه‌می شیعره‌كانی ئه‌و دیوانی شیعره‌ بریتین له‌ به‌رهه‌مه‌كانی گروپێك له‌ شاعیرانی هاوچه‌رخی عێراقی كه‌ له‌ لایه‌ن خاتوو فه‌ریده‌ حه‌سه‌ن زاده‌ (موسته‌فه‌وی) هه‌ڵبژێردراوه‌ له‌ زمانی ئینگلیزییه‌وه‌ وه‌ریگێڕاوه‌ته‌ سه‌ر زمانی فارسی و پێداچوونه‌وه‌ی ده‌ق له‌ لایه‌ن محه‌مه‌د سادق و چه‌ندین كه‌سی دیكه‌ ئه‌نجام دراوه‌ و چاپ یه‌كه‌می له‌ ساڵی 2009 له‌ لایه‌ن ده‌زگای چاپ و بڵاوكردنه‌وه‌ی نیگاه‌ له‌ ئێران به‌ رێژه‌ی 1650 دانه‌ی لێ چاپ و بڵاوكرایه‌وه‌.

هه‌روه‌ها به‌ ده‌یان ناونیشانی شیعری شاعیرانی هاوچه‌رخی عێراقی و پێشه‌كی وه‌رگێڕ و چه‌ندین هۆنراوه‌ و پارچه‌ هه‌ڵبه‌ستی نوێ و دیمانه‌یه‌ك له‌گه‌ڵ سوهه‌یل نه‌جم شاعیر و وه‌رگێڕی عێراقی له‌ خۆ گرتووه‌.

هۆنراوه‌كانی ئه‌و كتێبه‌ تایبه‌تن به‌ شیعری عێراقی هاوچه‌رخ و هه‌ندێك ته‌رخان كراوه‌ و لادانی رژێمی به‌عس له‌سه‌ر ده‌سه‌ڵات له‌لایه‌ن هێزه‌كانی ئه‌مریكاوه‌ له‌ ساڵی 2003.

به‌شێكی زۆری به‌رهه‌مه‌كانی ئه‌و شاعیرانه‌ له‌ دیوانی شیعری پاشماوه‌ی وڵاته‌كه‌م چاپ كراوه‌ وشیعره‌كانی ئه‌و كتێبه‌ بۆ ئه‌وشاعیرانه‌ و هه‌روه‌ها بۆ ئه‌و كه‌سانه‌ی كه‌ له‌ نێو گۆره‌ به‌كۆمه‌ڵه‌كاندا نێژراون، وه‌كوو بینایه‌كی یادگاره‌ و به‌ هێمایه‌كی هه‌رمان پێناسه‌ ده‌كرێت.

دیوانی شیعری "پاشماوه‌ی وڵاته‌كه‌م" له‌ چواره‌مین خولی خه‌ڵاتی دووساڵانه‌ی فیستیڤاڵی ئه‌ده‌بیی (په‌روین ئیعتسامی) خانمه‌ شاعیری ناوداری ئێرانی له‌ قۆنافی دووه‌می ناوبژیوانیدا یه‌كێك بوو له‌ چوار به‌رهه‌مه‌ وه‌رگیراوه‌كه‌ی گرووپی شیعری (وه‌رگێردراو) و له‌ زستانی ساڵی 2010 مۆڵ‌تی به‌شداریی كردن له‌ قۆناغی دووه‌می ناوبژیوانییه‌كانی ئه‌و خه‌ڵاته‌ ئه‌ده‌بییه‌ی به‌ده‌ستهێنا.

پیامنیر

وه‌رگێڕدرانی چیرۆکه‌کانی هانس کریتسیه‌ن ئاندێرسه‌ن بۆ سه‌ر زمانی کوردی

کۆمه‌ڵه‌ چیرۆکێک له‌ چیرۆکه‌کانی "هانس کریستییه‌ن ئاندێرسه‌ن"ی نووسه‌ری ده‌نیمارکی له‌ لایه‌ن وه‌رگێڕی چالاکیی مه‌هابادییه‌وه‌ به‌ زمانی کوردی له‌ چاپ درا.

‌به‌ پێی ڕاپۆرتی کوردپرێس؛ ژمارێک له‌ چیرۆکه‌کانی نووسه‌رو چیرۆک نووسی به‌ناوبانگی ده‌نیمارکی "هانس کریستییه‌ن ئاندێرسه‌ن" له کۆمه‌ڵێکی 11 به‌رگیدا له‌لایه‌ن "له‌یلا مامی" وه‌رگێڕدراوه‌ته‌وه‌ سه‌ر زمانی کوردی.

"له‌یلا مامی" کۆمه‌ڵێک له‌و چیرۆکانه‌ی هه‌ڵبژاردووه‌ و وه‌ریگێڕاوه‌ته‌ سه‌ر‌ زمانی کوردی و به‌ ناوی "چیرۆکه‌ خۆشه‌کانی دونیا" له‌ چاپی داوه بۆ تازه‌لاوان ‌.

له‌ به‌ناوبانگترینی ئه‌و چیرۆکانه‌ی "له‌یلا مامی" وه‌ریگێڕاوه‌ته‌ سه‌ر زمانی کوردی، ده‌توانین ئاماژه‌ بکه‌ین به‌ "په‌ری زه‌ریایی"،"کیژۆڵه‌ی شقارته‌ فرۆش"، بێچووه‌ مراوی ناشیرین"، کچه‌ وردیله‌"، "شاژنی به‌فره‌کان" و"به‌رگی نوێی پاشا".

ئاندێرسه‌ن خاوه‌نی ناوبانگێکی جیهانییه‌ و پتر له‌ 100 چیرۆکی بۆ منداڵان و تازه‌لاوان نووسیوه‌ و چیرۆکه‌کانی وه‌رگێڕدراونه‌ته‌وه‌ سه‌ر زیاترله‌ 100 زمان له‌ جیهان.

 radio sorani

ره‌سوڵ  سوڵتانی  یه‌كه‌م  به‌رهه‌می شیعریی زیاره‌تی ماچه‌

11/Dec/27

به‌رگی  كتێبه‌كه‌

 (PNA)- شاعیر وه‌رگێرِ "ره‌سوڵ سوڵتانی"، یه‌كه‌مین به‌رهه‌می شیعریی خۆی له‌ژێر ناوی "زیاره‌تی ماچ" به‌م زوانه‌ بڵاو ده‌كاته‌وه‌.

"سوڵتانی"  له‌لێدوانێكی  تایبه‌ت  بۆ  ئاژانسی په‌یامنێر گوتی "زیاره‌تی ماچ یه‌كه‌م به‌رهه‌می منه‌ له‌ بواری شیعردا بڵاوی ده‌كه‌مه‌وه‌، به‌ڵام له‌ بواری وه‌رگێڕاندا جگه‌ له‌و وتارانه‌ی له‌ زمانی فارسییه‌وه‌ كردوومه‌ته‌ كوردی و له‌ گوڤاره‌ جۆراوجۆره‌كانی هه‌رێمی كوردستاندا بڵاوبوونه‌ته‌وه‌، نۆ كتێبیشم هه‌ر له‌ زمانی فارسییه‌وه‌ كردووه‌ته‌ كوردی و بڵاویش بوونه‌ته‌وه‌".

گوتیشی  "تازه‌ترینیان  كتێب  كه‌  بۆ  زمانی  كوردی وه‌رم گێرِابێت، رۆمانێكی سێ به‌رگیی یه‌شاركه‌مال و "تاعوونه‌كه‌"ـی ئه‌لبێر كامۆ و رۆمانێكی نووسه‌ری ناوداری فارس مه‌حموود ده‌وڵه‌ت ئاباسییه‌".

ئاماژه‌  بۆ  ئه‌وه‌ش  كرد  "ئێستا  سه‌رقاڵی وه‌رگێرِانی رۆمانێكی دیكه‌ی یه‌شار كه‌مالم به‌ ناوی "ئاغاكانی ئاقچاساز"، ئه‌م رۆمانه‌ دوو به‌رگه‌ و كاری زۆرم له‌سه‌ر كردووه‌ و زۆری نه‌ماوه‌ ته‌واو بێت".

ئه‌وه‌شی  خسته‌  روو  "هه‌موو  شیعره‌كانی  نێو ئه‌و دیوانه‌م غه‌زه‌لن و له‌سه‌ر كێش و عه‌رووزن، به‌ڵام كه‌ له‌ چاپ ده‌رچوو راشكاوانه‌ ده‌ڵێم هه‌مووان وه‌باڵی بۆ ده‌كێشن كه‌ ئه‌و شێوه‌ غه‌زه‌له‌  شتێكی ته‌واو نوێیه‌ و له‌ زمان و وێنه‌ و پێكهاته‌ی ئه‌ده‌بیی خۆیدا له‌ غه‌زه‌لی كۆنی كوردی جیاوازه‌ و ته‌نیا له‌ چوارچێوه‌ عه‌رووزییه‌كه‌یدا له‌وان ده‌چێ، ئه‌گه‌ر نا به‌ زمانێكی ئه‌مڕۆیین و ده‌توانین راشكاوانه‌ ناوی غه‌زه‌لی نوێیان لێ بنێین".

پیامنیر

فه‌رهه‌نگی موزیكی خۆراسان له‌ كتێبێكی دوو به‌رگیدا چاپ ده‌كرێت

  12/Jan/01 (PNA) ـ كتێبی "فه‌رهه‌نگی موزیكیخۆراسان" له‌ نووسینی (غوڵامعه‌لی پوورعه‌تایی)، له‌ دوو به‌رگدا له‌ ئێران چاپ ده‌كرێت.

گۆرانیبێژ و ژه‌نیاری ناودار و لێهاتووی دوتاری ناوچه‌ی خۆراسان (غوڵامعه‌لی پوورعه‌تایی) كتێبێكی دوو به‌رگی به‌ ناوی فه‌رهه‌نگی مۆسیقایی خۆراسان نووسیوه‌ و ئێستا له‌ قۆناغی پێداچوونه‌وه‌ی ده‌قه‌كه‌ی دایه‌. كتێبی فه‌رهه‌نگی موزیكی خۆراسانبۆ ناساندنی موزیكی ناوچه‌ جۆراوجۆره‌كانی خۆراسان ته‌رخان كراوه‌ و ناساندنی ئه‌و هونه‌رمه‌ند و ژه‌نیار و گۆرانیبێژانه‌ی كه‌ ئه‌و مه‌قام وبه‌سته‌ و گۆرانییانه‌ ده‌چڕن و سه‌ر له‌ نوێ ناساندنه‌وه‌ی ره‌گ و ریشه‌كانی سۆز و به‌سته‌ و مه‌قامه‌كان و ناساندنی شێوازه‌كان و ئاهه‌نگه‌كان و چۆنییه‌تی چڕینی تایبه‌تی مه‌قام و ئاهه‌نگه‌كان و هه‌موو جۆره‌كانی ژه‌نینی ئامێری دوتار و ئامێره‌كانی دیكه‌ی ناوچه‌كه‌ و سه‌رجه‌می ئه‌و ناوه‌رۆك و بابه‌تانه‌ی كه‌ له‌ موزیكی ناوچه‌ی خۆراسان گرینگه‌ له‌و كتێبه‌دا به‌ وردی باسی لێوه‌ده‌كرێت. (پوورعه‌تایی) بۆ كۆكردنه‌وه‌ی زانیارییه‌كانی ئه‌م كۆمه‌ڵه‌ به‌رهه‌مه‌ ماوه‌ی چه‌ندین ساڵه‌ كه‌ بۆ ناوچه‌ جیاجیاكانی پارێزگاكانی خۆراسان له‌ ناوچه‌ی رۆژهه‌ڵاتی ئێران گه‌شت ده‌كات و هه‌وڵ و ماندووبوونێكی زۆری پێوه‌ بینیوه‌.

(پوورعه‌تایی) كه‌ مامۆستای قوتابخانه‌كانی خۆراسان بووه‌ له‌ ماوه‌ی ساڵانی كار و خزمه‌تكردنییدا له‌و ناوچانه‌ی پارێزگای خۆراسان و دواتریش وه‌كوو لێكۆڵه‌رێكی به‌په‌رۆش هه‌وڵی بۆ كۆكردنه‌وه‌ی تێروته‌سه‌لی هه‌موو زانیارییه‌كان سه‌باره‌ت به‌ هونه‌ری موزیكی ره‌سه‌ن و ده‌وڵه‌مه‌ندی ناوچه‌ی خۆراسانداوه‌ و توانیویه‌تی ده‌ستكه‌وتی ئه‌و توێژینه‌وانه‌ له‌و به‌رهه‌مه‌یدا بنووسێت. نووسه‌ر ئه‌و كتێبه‌ی به‌ مه‌به‌ستی ناساندنی زیاتری فه‌رهه‌نگی موزیكی خۆراسان و ناساندنی شێوازه‌كانی موزیكی ره‌سه‌نی ناوچه‌یی و خۆماڵی و هه‌روه‌ها تۆماركردنی به‌شێك له‌و سه‌رچاوه‌ پڕبایه‌خه‌ فه‌رهه‌نگی و مه‌عنه‌وییه‌ نووسیوه‌، له‌ داهاتوویه‌كی نزیكدا له‌ ئێران چاپ و بڵاو ده‌كرێته‌وه‌.

"چیرۆكی  په‌نیره‌ك"  به‌  زمانی  كوردی له‌ ئێران چاپ ده‌كرێت

11/Dec/27

به‌رگی  كتێبه‌كه‌

  (PNA)  ـ كتێبی "چیرۆكی په‌نیره‌ك" له‌ نووسینی "فاتمه‌ ئه‌بته‌حی" و له‌ وه‌رگێڕانی "مسته‌فا ئێلخانی زاده‌"، به‌ زمانی كوردی له‌ ئێران بڵاوكرایه‌وه‌.

كتێبه‌كه‌  له‌  لایه‌ن  "سیاوه‌ش  مه‌زڵوومی پوور" كاری وێنه‌كێشانی بۆ ئه‌نجام دراوه‌، له‌ لایه‌ن بنكه‌ی هزریی بارهێنانی منداڵان و مێرمنداڵانی ئێران بۆ ته‌مه‌نی گرووپی (ج) چاپ و بڵاوكرایه‌وه‌.

چاودێری  هونه‌ریی  ئه‌م  كتێبه‌  "ئه‌بولفه‌زل هیمه‌تی ئاهوویی" و "مریه‌م ره‌حمه‌تی ئه‌وینی" كاری دیزاینی لاپه‌ڕه‌كانی ناوه‌وه‌ی به‌ شێوه‌یه‌كی نوێخوازانه‌ ئه‌نجام داوه‌ و هه‌ندێك له‌ لاپه‌ڕه‌كانی ئه‌و كتێبه‌ نیو یان یه‌ك له‌سه‌ر چواره‌ی لاپه‌ڕه‌یه‌كه‌.

"چیرۆكی  په‌نیره‌ك"  له‌  24  لاپه‌ڕه‌ی ره‌نگاوڕه‌نگ پێكهاتووه‌ و له‌ چاپی یه‌كه‌میدا به‌ رێژه‌ی 3000 دانه‌ی لێ چاپ كراوه‌.

كتێبه‌كه‌  له‌  زنجیره‌ی  چیرۆكه‌كانی ئاژه‌ڵانه‌ كه‌ له‌ زمانی مشكه‌كانه‌وه‌ بابه‌تی ئه‌وین و خۆشه‌ویستنی یه‌كتری ده‌گێڕێته‌وه‌ و بۆ منداڵان لایه‌نێكی فێركاریی بۆیان هه‌یه‌.

"مسته‌فا  ئێلخانی  زاده‌"  وه‌رگێڕی  ئه‌و كتێبه‌ یه‌كێكه‌ له‌ نووسه‌ر، وه‌رگێڕ و  لێكۆڵه‌رانی بواری ئه‌ده‌بیاتی منداڵان و مێرمنداڵان له‌سه‌ر ئاستی كوردستان و ئێران و ئه‌ندامی ئه‌نجومه‌نی نووسه‌رانی منداڵ و مێرمنداڵی ئێرانه‌.

عه‌زیز وه‌یسی

www.dastan.Se

عه‌زیز وه‌یسی ئه‌­لبومی 2011

♫♪1 -  Aziz Weisi -  Herzane                           Size: 6.55 MB  

♫♪2 -  Aziz Weisi -  Warde                            Size: 7.99 MB  

♫♪3 -  Aziz Weisi -  Rana U Ran                       Size: 6.54 MB  

♫♪4 -  Aziz Weisi - Sulemani                          Size: 6.80 MB  

♫♪5 -  Aziz Weisi - Henare                             Size: 6.14 MB  

♫♪6 -  Aziz Weisi - Kras Rash                          Size: 5.67 MB  

♫♪7 -  Aziz Weisi - Hewler                              Size: 5.50 MB  

♫♪8 -  Aziz Weisi - Kermanshan                       Size: 6.74 MB  

عه‌زیز وه‌یسی ئه‌­لبومی 2010

♫♪1 -  Aziz Weisi -  Xr xal                                Size: 3.94 MB  

♫♪2 -  Aziz Weisi -  Herme u heluzhe u qeysi         Size: 5.81 MB  

♫♪3 -  Aziz Weisi -  Bandan                             Size: 7.43 MB  

♫♪4 -  Aziz Weisi - Kobra xan                           Size: 4.96 MB  

♫♪5 -  Aziz Weisi - Lail                                   Size: 4.73 MB  

♫♪6 -  Aziz Weisi - Amin                                 Size: 5.06 MB  

♫♪7 -  Aziz Weisi - Kcha jaf                               Size: 6.02 MB  

♫♪8 -  Aziz Weisi - Chand jwani                         Size: 4.42 MB  

♫♪9 -  Aziz Weisi - Hawsar                               Size: 3.36 MB  

♫♪10 -  Aziz Weisi - Armani                              Size: 4.24 MB