::جێ ژوان::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

ئه‌و په‌نجه‌ی وا له‌ بێ هێزی ده‌له‌رزێ
گوشیویه‌تی مه‌مكۆڵه‌ی باڵا به‌رزێ

ئه‌و ددانه‌ی ئێستێ نه‌ماوه‌ تاقی
گه‌ستویه‌تی زۆر جار چه‌ناگه‌ی ساقی

ئه‌و چاوانه‌ی سۆمایی لێ بڕاوه‌
هێند له‌ جوانان داگیرا، داگیراوه‌

ئه‌و لێوه‌ی ئێستێ باری گرتووه‌
كوڵمه‌ی نه‌رم و نۆڵی یاری گرتووه‌

ئه‌و با هۆیه‌ی زه‌مانه‌ لێی بڕی هێز
كام كیژ جوانه‌ گرتویه‌ته‌ نێو ئامێز

ئه‌و دڵه‌ی ژوانی ده‌ویست و جوانی
ئێستا پڕه‌ له‌ غه‌م، له‌ نیگه‌رانی

ئه‌و پێیانه‌ی شه‌رزه‌ی كردووه‌ كوتر و كوان
ماندوو نه‌بوو له‌ هات و چۆی جێ ژوان

هێمن

Writing at: 22 / 12 / 1390برچسب:هێمن,شێعرکوردی,جێ ژوان,وینه,

Time: By: محمد پیش بینی| |

چاوم له ئاسمان بڕی

دڵم هێنده‌ی دیگه گیرا

گه‌لێک بیره‌وه‌ری کۆنم

له پڕ هاتنه‌وه به‌ بیرا

ئارام - ئارام به لۆژه لۆژ

ئه‌وا به‌ره‌و ماڵ بوومه‌وه

نه‌كه‌س له پێشمدا ده‌ڕوا

نه‌كه‌س دیاره به دوومه‌وه

Writing at: 22 / 12 / 1390برچسب:چاوم له ئاسمان بڕی,شێعر کوردی,وینه,

Time: By: محمد پیش بینی| |

سه‌نگی هه‌واران

سه‌نگـــی هـــه‌واران ، سـه‌نگی هه‌واران

ســـــه‌نگی سیا ره‌نگ کــــــــۆنه‌ هه‌واران

جای به‌زمی رێندان ، نێشان گــــه‌ی یاران

ته‌ختی خــــاڵ خـــــــــاڵان ، نازک نازداران

جه‌زه‌ڵ مــــــه‌زانوو سفیـــــــد سـه‌نگه‌نی

ئیسه‌ سه‌به‌ب چێش سیـــاره‌نگــــــه‌نی؟

کۆن عـــــــه‌یش و نێشات نه‌و وه‌هارانت ؟

کۆن ئاهـــــووی رێنـــــــدان پۆل نازارانت ؟

سه‌رخار، چوون تۆ کۆی عه‌نبه‌ر پۆشان بێ

دایم ئامـــــه‌شۆ وه‌ لای تۆشــــــــــان بێ

ئیســـــــه‌ جای ئه‌وان چـــــــۆڵه‌ن وێرانی

ئه‌حــــــواڵی ئه‌وان تۆ چێش مــــــه‌زانی؟

سا که‌ ئێـــذ شنه‌فت سه‌نگی سیا ره‌نگ

به ‌ ئاه و نـــــاڵه‌ لێــــــم ئامـــــــا به‌ ده‌نگ:

ئه‌حـــــواڵی ده‌ردم دێوانه‌ی بێ هــــــۆش

مه‌ر نمــــــه‌زانی چی بیم سیـــــــاپۆش ؟

ئه‌وسا من هـــــامڕاز خاڵ قــــــه‌تاران بیم

ته‌کیــــه‌گای رێنـــــــــــدان پۆل نازاران بیم

ره‌نگم سفید بێ چــــــــوون ره‌نگی کافوور

شــــــه‌وقی جه‌مینم دیار بێ جــــــه‌ دوور

ناگــــــا په‌ی ته‌قدیر چـــــه‌رخی پۆر سته‌م

ئێمه‌ و نازاران جیا کــــــه‌رد جه‌ هــــــــــه‌م

ئیسه‌ نه‌ پام هـــــــه‌ن بلووشان وه‌ شـــۆن

نه‌ وێم مـــــــه‌زانوو ماواشان چکــــــــــــۆن

فه‌ڵـــــــه‌ک ئه‌ر زانه‌یش چێش ئامان پێمان

دووری نازدارا نه‌رمـــــــانێ پێمـــــــــــــــان

کـــــــه‌رداش دۆچـــــــــــاری ده‌رد و جیایی

نیاش به‌ دڵــــــدا داخـــــــــــــــــی سیایی

ئی داخ هــــــه‌ر په‌ی من تا رۆی ره‌ستاخێز

چوون هێجـــــــرانی یار گێـــــــــرته‌نم به‌ڕێز

ئایری هێجـــــــران که‌وته‌ن نه‌ جـــــــــه‌رگم

سیاوش کـــــــه‌رده‌ن سه‌رتاپای به‌رگــــــم

چی کـــــــۆره‌ی ئایر من نه‌جـــــــــــــۆشا‌نا

جــه‌ سینـــــه‌ی « صه‌يدی » سیاو پۆشانا

Writing at: 20 / 12 / 1390برچسب:سه‌نگی هه‌واران,صه‌يدی ,شێعرکوردی,

Time: By: محمد پیش بینی| |

چــاوه‌که‌م ئــه‌مڕۆ له‌ گـــوڵشه‌ن گــوڵ به‌ عیشوه‌ خۆی نواند

چــاوه‌که‌م ئــه‌مڕۆ له‌ گـــوڵشه‌ن گــوڵ به‌ عیشوه‌ خۆی نواند
نه‌ك نمه‌ك گیربم بـــه‌ مه‌رگـــی تـــۆ قـه‌سه‌م هیچ نه‌مدواند

گـــــوڵ بــــه‌ تــــــۆزی پێته‌وه‌ لاف و گــــه‌زافـــی لـــێ ئه‌دا
وا شکور سۆزه‌ی نــــه‌سیمت هــــات ئه‌ویشی لێ ستاتند

نه‌شته‌ری موژگـــانـــی تـــــۆ هــــاتۆته‌ سه‌ر صه‌فحه‌ی دڵم
هه‌ر خه‌تێ بـوو غه‌یـــر خــــه‌تی سه‌بزی تۆ ، پــــاکی کڕاند

له‌شکری ئـــــاهم لـه‌گه‌ڵ جه‌یشی (حه‌به‌ش) ده‌عـــوا ئه‌کا
حیره‌تــم!! ئاوا کـــه‌ چـــۆن ئــــه‌و دڵبه‌ره‌ دڵـمـــی ڕفـــــاند!

بۆ گـوڵـــی ڕووت هــــاتـــم و پـــه‌رچـــه‌م ده‌بینم بـــۆیــه‌ وا
ماهــــی (نـــه‌ورۆزم) به‌شیوه‌ن وه‌ك (موحه‌ڕه‌م) خۆی نواند

تــۆ لـــه‌ ئه‌وڵ ، گــــــۆی وه‌فــــات هێنایـــه‌ نێو مه‌یدانه‌وه‌ ؟!
ئێستا چـــاوگــانــی خیلافت پشتی صــه‌د وه‌عده‌ی شکاند

تـــوخـــوا قـــه‌ت غیره‌ته‌ بــۆ تـۆ ئه‌رێ ؟ ئه‌ی سه‌روی ڕه‌وان
گوڵ به‌ بــێ تــۆ وا له‌ بـــاغـــا خێوه‌تی خـــۆی لـــێ چه‌قاند

با وجـــود ئینـصــاف بـــده‌م چـــــاکه‌ گـــــــوڵیش موشتاقته‌
هـه‌ر لــــه‌ شـه‌قـــی تـــۆیه‌ سه‌رپـــۆش و گـــــریبانی دڕاند

هـــه‌ر کـــه‌سێ مــــایـــــل بـــه‌ بیرێکــه‌ و ته‌رقێکــی هه‌یه‌
تۆ به‌ شوعله‌ی غه‌م ((حه‌ریقی))ی وا وه‌جـاخت هه‌ڵ کڕاند

حــــــه‌ریــــق

Writing at: 20 / 12 / 1390برچسب:چــاوه‌که‌م ئــه‌مڕۆ له‌ گـــوڵشه‌ن گــوڵ به‌ عیشوه‌ خۆی نواند,شێعر کوردی,حه‌ریق,

Time: By: محمد پیش بینی| |

نالی-نه‌فه‌س بگره‌ له‌ هاتو چۆیی خۆڕڕایی هه‌تا ماوی

نه‌فه‌س بگره‌ له‌ هاتو چۆیی خۆڕڕایی هه‌تا ماوی
که‌ ئه‌م بایه‌ هه‌تا ئێستاکه‌ هه‌ر عومری به‌ با داوی
حه‌یاتت نه‌قدی ته‌حصیلی به‌قاوو ڕیبحی ڕیضوانه‌
ئه‌تۆ ده‌یکه‌ی به‌ مایه‌ی ده‌خڵ و خه‌رج و که‌سبی به‌دناوی
عه‌جه‌ب ماوم له‌ جه‌رگت ئه‌ی دڵه‌ی غافڵ که‌ موددێکه‌
له‌سه‌ر ئه‌م ئاگره‌م داناوی هێشتا هه‌ر نه‌برژاوی
مه‌ثه‌ل دینا ژن و چه‌رخیش خه‌ڕه‌ك ده‌م ده‌م به‌ دۆخی غه‌م
ڕه‌گی تاری وجودت با ده‌دا هێشتا کو هه‌ خاوی
زه‌مانه‌ چه‌رخ و چه‌رخی ئاسمانیشی فه‌له‌ك فیکه‌
سه‌ری ڕشته‌ی و جودی چه‌نده‌ باداوی یو‌ هه‌ر ماوی
مه‌گه‌ر مه‌یخانه‌یه‌ دنیا که‌وا کاسی له‌به‌ر که‌ئسی
به‌ نه‌غمه‌ی عودی سوتاوی به‌ نه‌شئه‌ی طاسی تاساوی
ئه‌مێسته‌ش گه‌رچی عه‌یش و عوشره‌تت هه‌ر تاڵ و تاڵاوه‌
به‌مه‌رگی تۆ له‌ پاشانیش ده‌خۆی تاڵاوی تاڵاوی
هه‌وای سه‌یری به‌ڕ و به‌حر ئاگری به‌رداوه‌ته‌ عومرت
که‌ تۆزی مونعه‌قید خاکی دڵۆپێ مونجه‌مید ئاوی
که‌ خاکی خاکی دامه‌ن به‌ وه‌گه‌ر نه‌ تۆزی به‌ر بادی
که‌ ئاوی ئاوی گه‌وهه‌ر به‌ وه‌گه‌ر نه‌ بڵقی سه‌ر ئاوی
*****
که‌ خاکی خاکی دامه‌ن به‌ وه‌گه‌ر نه‌ تۆزی به‌ر بادی
که‌ ئاوی ئاوی گه‌وهه‌ر به‌ وه‌گه‌ر نه‌ بڵقی سه‌ر ئاوی
هه‌تا شه‌ققه‌ی فه‌له‌ك نه‌بوه‌ به‌ کافوری کفن هه‌سته‌
که‌ ئه‌مشه‌و فڕصه‌ته‌ هێشتا فه‌له‌ك ماوی ئه‌تۆش ماوی
نه‌واڵه‌ی تۆبه‌ ده‌ر بێنه‌ هه‌ت اته‌ن نه‌بوه‌ته‌ سفر
پیاڵه‌ی شیشه‌ بشکێنه‌ هه‌تا وه‌ك کوپه‌ نه‌شکاوی
به‌ میعراجی سولوکی سالیکاندا تا نه‌چی ڕۆژێ
له‌ ناو جه‌هلی مورره‌ککه‌بدا ده‌مێنی هه‌ر وه‌کو ماوی
گه‌دا ئینسان و دنیا غوربه‌ته‌ (من حیث لا تشعر)
به‌ هیممه‌ت طالیبی چشتێکی نازانی بڵێی ناوی
شتێکه‌ بی شه‌بیهـ و جنس و فه‌صڵ و که‌شف و ته‌قریره‌
موبه‌ڕڕایه‌ له‌ ته‌قریر و حه‌دیثی حادیث و ڕاوی
نه‌زانینت له‌ به‌ر عیجزه‌ نه‌وه‌ك جه‌هله‌ که‌ ئه‌م چشته‌
قه‌دیمه‌ نایه‌ته‌ ته‌قریری قه‌ولی حاکی یو ڕاوی
له‌ قورئاندا به‌ ( ما اخفی لهم) مه‌کتوم و مه‌ختومه‌
به‌یان نابێ به‌ ته‌فسیری دو‌صه‌د (که‌ششاف)و (به‌یضاوی)
موبه‌ییه‌ن بو له‌ قورئاندا به‌ نوری (قرة الاعین)
نه‌وا ضیح بو به‌ (که‌ششاف) و نه‌ڕۆشن بو به‌ (به‌یضاوی)
که‌ جێگه‌ت بۆ عیباده‌ت بێ چ فه‌وقانی چ ته‌حتانی
که‌ حوببت بۆ سیاده‌ت بێ چ (به‌رزنجی) چ (باراوی)
مه‌که‌ ده‌عوایی پاکی نه‌سه‌ب بۆ جیفه‌یی دونیا
که‌ سه‌یید بی چ ( به‌رزنجی) چ (پیرایی) چ (باراوی)
وه‌ره‌ ئه‌م نیکته‌یه‌ من پێت بڵێم ((نالی)) ئه‌گه‌ر فه‌رضه‌ن
هه‌مو دنیات ببێ هێشتاکو هه‌ر حه‌یران و داماوی
وه‌ره‌ ئه‌م نیکته‌یه‌ من پێت بڵێم ((نـــــــــالــــــــــی)) ئه‌گه‌ر فه‌رضه‌ن
هه‌مو دنیات ببێ هێشتاکو هه‌ر حه‌یران و داماوی

Writing at: 16 / 12 / 1390برچسب:شێعر کوردی,نالی,

Time: By: محمد پیش بینی| |

ناسۆری ته‌شه‌نا

وه‌ره‌ مه‌یگێڕ ده‌مه‌وێ ئه‌وشۆ خه‌می دڵ که‌م که‌م
لووزه‌وم به‌رده‌ سه‌رێ نامه‌وێ جورعه‌ی که‌م که‌م

ته‌شه‌نا بۆته‌وه‌ ناسۆری ده‌روونم دیسان
زامی کۆنه‌ و به‌ مه‌یی کۆنی ده‌بێ مه‌ڵهه‌م که‌م

مشت و ماڵی ده‌وێ ئاوێنه‌یی ژه‌نگاوی خه‌یاڵ
مه‌ست و گێژم که‌، هه‌تا گاڵه‌ به‌ جامی جام که‌م

ئێسته‌ بۆ چاری خه‌مم گۆشه‌یی مه‌یخانه‌یه‌ جێم
من که‌ ڕۆژێک ده‌مه‌ویست میلله‌ته‌که‌م بێ خه‌م که‌م

تا نه‌ڕووخاوه‌، بڵا پڕ بێ له‌ خۆشی و مه‌ستی
تازه‌ پێی ناوێ ئه‌من هۆده‌یی خۆم مه‌حکه‌م که‌م

چۆن نه‌به‌م بۆ مه‌ی و مه‌یخانه‌ په‌نا تێ گه‌یوم
له‌و وڵاته‌ هه‌موو شت زۆره‌، به‌نی ئاده‌م که‌م

پیر و زورهانم و ئێستاش ده‌ڵه‌که‌م هه‌ر ده‌یه‌وێ
سه‌ر و ماڵم به‌ فیدای خاڵ و خه‌ت و په‌رچه‌م که‌م

داستانی مه‌م و زین کۆنه‌، کچێکم گه‌ره‌که‌
شلکه‌ ڕانی بکوشم بۆنی له‌ سینگ و مه‌م که‌م

من له‌ جوانی ده‌گه‌ڕێم، تێپه‌ڕه‌ زستانی دزێو
کچ که‌ ڕووم ناده‌نێ، با سه‌یری گوڵ و شه‌ونه‌م که‌م

شه‌ڕه‌بایه‌ له‌ چیاکان و هه‌وا تووشه‌ ده‌نا
وه‌کوو شێتان ده‌مه‌ویست ڕوو له‌ چیای ئه‌سته‌م که‌م

مام هێمن

Writing at: 16 / 12 / 1390برچسب:ناسۆری ته‌شه‌نا,هێمن,شێعرکوردی,

Time: By: محمد پیش بینی| |

ئەی دیدە پەری

ئــەی دیدە پــــەری بەو دەمـــــە بەو کوڵمە گوڵینە
بـــــۆکەس نیە تاسەر،ئەوەرێ، ئەم گوڵــــــی ژینە
تـــــاسەرنیە ئــــەم نـــــازە ، وەهـــا دووری مەبینە
ئەو چــاوە گــەلاوێــــژە خـــــەڵاتــــــی کـــــــە برینە
ئەو زووڵفە کە ئێساکە دووتوێـــــی عەمبەری چینە
رۆژێــــــکی کە دێ، تێکەڵی توێی خـــاکی زەمینە

یەو گــــــەردەنە بێگەردە کــــــــە وەك تەختی بلورە
ئــــــەو لێوە کـــــە وەك خونچە تەر و ناسك و سورە
ئێستاکە بەبـــــێ رەحمی سزای جــــــەور و فتورە
لای وایـــــە کە ژین فـــــانی نیەو رێـــــــــگای دوورە
نــــــــایزانێ کە هەر پەنجێ لـــــەم خاکی زەنمینە
کوڵمی دەهەزار(لەیل) و دەمی سەد(مەم و زین)ە

ئەمرۆ دڵــــــی بێچارە ئەبـــــەی ئەیخەیتە نــــــاوداو
نــــایزانــــی سبەینێ ئەکـــــەوی سەرکز و دامــــاو
ئەو جوانیە ئەروات و لـــەچــــاو گومەبێ وەك ئــــــاو
ئــــــەورۆژە ئەبــــــێ دائیمە هـــــەر بێنیە بەرچــــاو
تا رەحمێ بــــکەی ئێستا کـــــە بـــــەم زام و برینە
سەرکز نەبـــــی لەو جێگە بــــــێ سامانی زەمینە

ئــەم چـــەند قسەیەم و توە بـــــەتۆ ئێسە بەچاکی
گەرچـــی ئەشیزانم دڵــــی بـــــــەردت نییە بــاکی
مەروانـەرە ئەمرۆ کـــە بــــەروومـەت گوڵــــــی تاکی
بروانــــە سبەینێ کــــــە لەنــــــاو دامەنــــی خاکی
سەد لـــــەیلی وەك تـــــۆ بووە لــەم رۆشنی ژینە
ئێستاکــــــە لەنـــاو جەرگەیـــــی تــــاریکی زەمینە

مامۆســــــــــــتا
(ئه‌حــــــــمه‌د هەردی)
سالی١٩٣٩ نووسراوە

Writing at: 16 / 12 / 1390برچسب:ئەی دیدە پەری,شێعر کوردی,ئەحمەد هەردی,

Time: By: محمد پیش بینی| |

مه‌حوی

Writing at: 16 / 12 / 1390برچسب:شێعر کوردی,مه‌حوی,

Time: By: محمد پیش بینی| |

لـــــه‌ ئه‌مڕۆ لازمه‌ هه‌ركه‌س، بزانێ خۆی كه‌ كوڕ كێیه‌

لـــــه‌ ئه‌مڕۆ لازمه‌ هه‌ركه‌س، بزانێ خۆی كه‌ كوڕ كێیه‌

یه‌قین هه‌ر كه‌س نژادی خۆی نه‌ناسێ بێ سه‌ر و پێ یه‌

كوڕی بێ ئه‌سڵ وا چاكه‌، بــه‌ چه‌شنی گورگی ناو گه‌له‌

... ده‌ریكه‌ی با وه‌ته‌ن چۆڵـــــــــكا، نیشانه‌ی زۆڵیه‌تی پێ یه‌

برایی ئیشی زۆر چاكه‌، ده‌خیلت بــــــــــــــــم به‌ جێی بێنه‌

ئه‌لف چۆن ڕاسته‌، ئــــــــــازاده‌، ئه‌وه‌ی باری هه‌یه‌ تێ یه‌

به‌وه‌ڵڵا كاكه‌ بۆ تۆمــــــــــــــــه‌، ئه‌گه‌ر نا من حه‌قم چی بوو

بــڵێم لاده‌ له‌ ئه‌و شاخه‌، وه‌ره‌ لێرۆ بـــــــــــــــــــــڕۆ، ڕێیه‌

به‌ناحــــــــه‌ق باخه‌وان كه‌ی خزمه‌تی داری نه‌ناسی كرد؟

هه‌تا مه‌علووم نه‌بوو، ئایا زقـــــــوومه‌ یا خۆ هه‌رمێیه‌!!

نه‌ڵێی به‌خوا به‌گــــــوێی ناكه‌م، وتاری گشتی بێ سووده‌

هه‌تا مه‌علــــــــــووم نه‌بێ ئایا، كه‌ ئه‌م شێخ (قانع)ه‌ كێیه‌؟

مامۆستا قانع

Writing at: 16 / 12 / 1390برچسب:شێعر کوردی,قانع,لـــــه‌ ئه‌مڕۆ لازمه‌ هه‌ركه‌س, بزانێ خۆی كه‌ كوڕ كێیه‌,

Time: By: محمد پیش بینی| |

وەلی دیوانە

وەلی دیوانە
هه‌ی شه‌می شه‌وان هه‌ی شه‌می شه‌وان
هه‌ی شه‌می به‌ شه‌وق چلچرای شه‌وان
... هه‌ی ژیانی من، هه‌ی ڕۆحی ڕه‌وان
هه‌ی گلێنه‌یی دیده‌ی بێخه‌وان
هه‌ی ئاسكی سه‌ركه‌ل، له‌ سێبه‌ر سڵكه‌ر
هه‌ی هه‌وای سازی كوێستانان له‌سه‌ر
هه‌ی عه‌نبه‌رین خاڵ سۆسه‌نی كڵاف
هه‌ی ڕوناكایی ڕه‌شماڵانی جاف
هه‌ی من په‌روانه‌ی په‌ڕ سوتاوی تۆ
هه‌ی من گیرۆده‌ی زوڵفی خاوی تۆ
تۆ جارێ نایه‌ی بۆ سه‌روه‌ختی من
گوێ ناده‌ی به‌ ئاه زامی سه‌ختی من
ناپرسیت ئاخۆ من بۆ تۆ چۆنم
بێباكی له‌ تین قرچه‌ی ده‌رونم
هه وای كوێستانت وا بۆ بوه‌وه‌
حه‌یفت كرد منت له‌ بیر چووه‌وه‌
بێ مروه‌تیت كرد هه‌ی شه‌م ده‌رباره‌م
من بۆ تۆ قه‌یسی سیا ستاره‌م
واده‌ی من و تۆ دیوانی خوا بێ
مه‌گه‌ر ئه‌و ڕۆژه‌ دادم ڕه‌وا بێ
شه‌می شه‌م ڕوومه‌ت تۆ به‌ سه‌لامه‌ت
سكاڵای دڵم كه‌وته‌ قیامه‌ت

Writing at: 16 / 12 / 1390برچسب:وەلی دیوانە,شێعر کوردی,,

Time: By: محمد پیش بینی| |

یار

خۆم بەسەر پشتی باوە جێدێڵم ،
ڕوحم بەسەر ئێوارە هەناریەکاندا،
هەڵدەخەم.
کەچی هەرهەموو باڵندەکان ،
لەڕەنگی پێستم دەپرسن.
لە لەرەی دەنگم ڕادەکەن،
لە فڕین دەم شارنەوە.
تێبگە لێم ئەی یار !
وەڕەزبووم
لەوویشیک بونەوەی باران ،
لە پرچە ئاڵۆزاوەکانی تەمەن .
لە تەنیایی شەو.
ئەو سێبەرە منم ،
من .
ژنێک توڕەتر لە با،
بە سەر بەژنی سنەوبەرێکی
پڕ لەنازدا،
خۆی چەماندۆتەوە ،
بۆ بەخشینی ماچێک ،
بە گەرمایی دڵی یار،
سەوزایی چناری لێ دەتکێ،
ئەو ژنە منم
تا سەرئێسقان شەیدایی،
بۆنی دەستەکانتوو،
تامەزرۆیی گوشینی پەنجە خوێناویەکانی
عەشقم .
لەباخەلی تەمەندا،
بەدەم ڕۆیشتنەوە
هێدی هێدی،
ڕەنگی کراسەکەی بەرتوو،
بزە گەرمەکانی ڕوحت
دەدوێنم .
دەگەرێم
بۆڕازی چاوەکانت،
بۆ سۆزی باران ، بۆ رەنگی خودا.
هەموو شەوێ ئامێز پڕدەکەم،
لە خەونی سەوزوو،
نیگام لە
لەنجەی دار سێو ێک داڵینم.
بەیادی یار.
دەگەرێم ،
بۆ سێبەری مانگ،
تا خۆمی لە ژێردا ون کەم ،
بۆ
ئێوارەیە پڕبە بەژنی ڕووناکی دامگرێ
فێنیکی هەناسەی.
ویستم چاوم بە دیدار ت
بسپێرم .
کەچی دەستم لەنێو نیگایی
رۆژدا شکا،
ڕوحم بەسەر ڕەنگی غەریبیمدا،
هەڵوەریی.

کوێستان عومەرزادە

Writing at: 16 / 12 / 1390برچسب:یار,شێعر کوردی,کوێستان عومەرزادە,

Time: By: محمد پیش بینی| |

ده‌می ڕاپه‌ڕینه‌ ده‌می ڕاپه‌ڕین

هه‌تاكه‌ی به‌ سستی و به‌ په‌ستی بژین ؟؟

په‌لامارده‌ ئه‌ی كورد عه‌ره‌قڕشتنێ

له‌دڵ كرمی ناكۆكی ده‌ركردنێ

به‌یه‌كبوونه‌ گشت

پته‌وبوونی پشت

به‌یه‌كبوون ئه‌بێ

گه‌لت پێش كه‌وێ ده‌می ڕاپه‌ڕینه‌ ده‌می ڕاپه‌ڕین

هه‌تاكه‌ی به‌ سستی و به‌ په‌ستی بژین ؟؟

به‌لادا بكه‌ چاكی مه‌ردایه‌تی

درێغی مه‌كه‌ گیان له‌ كوردایه‌تی

بگرمێنه‌ وه‌ك شێر بچۆ ناوی به‌رد

بڵێ كوا هه‌قی ژینی ئینسانی مه‌رد؟

درشت تاكو ورد

نه‌كه‌ین ده‌ست و برد

به‌هه‌ق چۆن ئه‌گه‌ین ؟

پشوو چۆن ئه‌ده‌ین ؟

ده‌می ڕاپه‌ڕینه‌ ده‌می ڕاپه‌ڕینهه‌تاكه‌ی به‌ سستی و به‌ په‌ستی بژین

گۆران

Writing at: 15 / 12 / 1390برچسب:شێعر کوردی,گۆران,

Time: By: محمد پیش بینی| |

نالی

موساوی وه‌ك یه‌ك و لولن له‌ هه‌ردوو لاوه‌ زوڵفه‌ینی
نمونه‌ی عه‌کسی حه‌رفی (میم) و (نون) و (واو) ه‌ زه‌لفه‌ینی

به‌ داوه‌ گرژو خاوه‌ یه‌عنی ئاڵۆزاوه‌ زه‌لفه‌ینی
دوو تاوه‌ دوو سیان و شێوه‌که‌ی شێواوه‌ زه‌لفه‌ینی

په‌رێشان و شکسته‌ و سه‌رنیگون داماوه‌ زه‌لفه‌ینی
تومه‌ز بادی صه‌بای چین و خه‌طای لێ داوه‌ زه‌لفه‌ینی

له‌ جێی پاوانه‌ و گه‌ردن لغی داناوه‌ زوڵفه‌ینی
که‌ وه‌ك ئه‌ژده‌ر له‌ پێ وو گه‌ردنی ئاڵاوه‌ زه‌لفه‌ینی

دوو جادو ماری مه‌غزی ئاده‌می خواری قه‌رار داوه‌
له‌ سه‌ر شانی وه‌کو ضه‌ححاك و ناوی ناوه‌ زه‌لفه‌ینی

به‌ طوڕڕه‌ وه‌ك په‌ر طاوس به‌ گه‌ردن ئاههوه‌ یه‌عنی
له‌سه‌ر ئاهویی گه‌ردن هه‌ر دو حه‌لقه‌ی داوه‌ زه‌لفه‌ینی

به‌ ظاهیر ظوڵمه‌ت و دوده‌ به‌ باطین نور و نارێکی
له‌ عود و عه‌نبه‌ر و میسکی خه‌طای به‌رداوه‌ زه‌لفه‌ینی

شکه‌نجی تاری پڕ میشکی ته‌تار و تاره‌ ئه‌مما ئه‌و
دووتا و هه‌ر تایه‌ بارێکی له‌عه‌نبه‌ر ناوه‌ زه‌لفه‌ینی

وه‌کو دودی سیاهه‌ ئاهی ((نالی)) و ئه‌م ڕه‌قییبانه‌
له‌سه‌ر تا پێ له‌ به‌رگی مه‌رگ و ماته‌م ناوه‌ زه‌لفه‌ینی

Writing at: 15 / 12 / 1390برچسب:شێعر کوردی,نالی,,

Time: By: محمد پیش بینی| |

تاوانم چیه‌ دڵ تۆی هه‌ڵ بژارد

لۆمه‌ی من نه‌که‌ی نه‌ڵێی نامه‌ی نارد

به‌ ده‌ست من نیه‌ دڵ تاوان باره‌

به‌ڵام وادیاره‌ ئه‌ویش ناچاره

Writing at: 15 / 12 / 1390برچسب:وینه,شێعر کوردی,

Time: By: محمد پیش بینی| |

پیرەمێرد

چيم كردووه‌ ئێستا جارێ له‌كوێمه‌

مبلله‌ت لـــه‌مــه‌ودوا ئومێدى پێمه‌

سه‌يركه‌ به‌هارم لێ بێ ئينشاڵا

له‌ كوردستـــــاندا بيكه‌م به‌ هه‌ڵا

به‌يداغى كــــورديى بلــــه‌رێنمه‌وه‌

ئيرسى رِۆيوه‌كـــــــان بگه‌ڕێنمه‌وه‌

Writing at: 15 / 12 / 1390برچسب:پیرەمێرد,شێعر کوردی,

Time: By: محمد پیش بینی| |

جۆلانه

چوومه‌ لای دوکتۆر ، گوتی :
نه‌خۆشی ده‌رده‌که‌ت سه‌خته‌
گوتم: تۆ پێت وایه‌ ده‌مرم؟
به‌داخه‌وه‌، گوتی: وه‌خته‌
.....
ئه‌و دڵه‌کوته‌ی گرتووته‌
پیاوی به‌هێزیش بیگرێ
بێتوو ئاگای له‌ خۆی نه‌بێ
هێنده‌ پێ ناچێ، ده‌مرێ
.....
پێکه‌نیم و گوتم دوکتۆر!
ناڵێم زانا و شاره‌زانی
به‌ڵام تۆ پزیشکی ویشکی
باری دڵداری نازانی
.....
دڵه‌کوته‌م نییه‌، دڵم
جێی کێژێکی خانومانه‌
منداڵه‌، ئۆقره‌ ناگرێ
بۆم دروست کردووه‌ جۆلانه‌

مام هێمن ی مه‌زن

Writing at: 15 / 12 / 1390برچسب:شێعر کوردی,هێمن ,

Time: By: محمد پیش بینی| |

عاشقی بێ‌دڵ ده‌ناڵێ، مه‌یلی گریانی هه‌یه‌

عاشقی بێ‌دڵ ده‌ناڵێ، مه‌یلی گریانی هه‌یه‌
بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش
دا بڵێن ده‌ریای عومانه‌ دوڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:
له‌علی ڕوومانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌ر زی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت،
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش
دێن ده‌ڵێن: به‌خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
«نالی» ئه‌مڕۆ حاکمی سێ موڵکه‌ دیوانی هه‌یه‌!
عاشقی بێ‌دڵ ده‌ناڵێ، مه‌یلی گریانی هه‌یه‌
بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش
دا بڵێن ده‌ریای عومانه‌ دوڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:
له‌علی ڕوومانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌ر زی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت،
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش
دێن ده‌ڵێن: به‌خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
«نالی» ئه‌مڕۆ حاکمی سێ موڵکه‌ دیوانی هه‌یه‌!

Writing at: 15 / 12 / 1390برچسب:شێعر کوردی,نالی,

Time: By: محمد پیش بینی| |

ژن

باڵی هوما، سێبه ری زولفی په ریشانی ژن
نافه یی میشکی خەتا ،په رچه می ئه فشانی ژن

که عبه یی ئه ربابی دین، قیبلەیی خه ڵوەت نشین
شه معی شەریعەت کوژین، روو مەتی ره خشانی ژن

بایسی توولی حه یات،عیلله تی فه وت و مه مات
خه نده به رووی نازه وه ،روومه تی ره خشانی ژن

باغی دڵ و کانی دڵ ، گوڵشه نی روخساریە
گه نجی فه ر ه ح به خشی دڵ ،له علی به ده خشانی ژن

ئایەتی میهرو وەفا صورەتی صدق و صەفا
مەرهەمی دەر دوجەفا،خوچنەیی خەندانی ژن

مه ر که زی عه یش و نه شاگ ،زه مز ه می عالی صیفات
چەشمەیی ئاوی حه یات ،چاهی زه نەخدانی ژن

مەئمەنی ئەمن ئەمان ،مه لجەئی شێری ژیان
چه تری سه ری عاریفان ،سیبه ری ده ربانی ژن

ئەم غەزەلی (ناری) یەعیلله تی ناچاری یه
ترسەلەبێ نانی یو،مەخسەرەپێدانی ژن

ناری،ملاكاكه حمه

Writing at: 9 / 12 / 1390برچسب:ژن,شێعر کوردی,ناری,

Time: By: محمد پیش بینی| |

خه یام

خه یام
ئەگەر بێ دینم گەر بێ ئیمانم
ئەگەر سەرخۆشی مەیخانەکانم

هەر کەس بە ڕەنگێ لە من تێ ئەگا
منیش هەر ئەوەم کە خۆم ئەیزانم

Writing at: 9 / 12 / 1390برچسب:خه یام,شێعر کوردی,چوارینەی حکیم عمر خەییام,

Time: By: محمد پیش بینی| |

وه‌فـــــایـــــی

گه‌ردشی چاوت قه‌راری عاشقی میسکین ده‌با
ساحیری چاو به‌سته‌ ئارێ دڵ ده‌کێشێ دین ده‌با

قیبله‌که‌م به‌و زاری هه‌ر وه‌ك غونچه‌ بۆیه‌ پێکه‌نی
دا بڵێن خه‌نده‌ی له‌ گوڵ دێ ئابڕۆی په‌روین ده‌با

من گوتم: گرتی حه‌به‌ش که‌عبه‌ی جه‌ماڵت ئه‌و ده‌ڵێ
کاروانی میشکه‌ بۆ شارێ گوڵ و نه‌سرین ده‌با

گه‌ر ببینێ طاقی په‌یوه‌ستی برۆت فه‌رهادی چین
رۆحی شیرینی به‌ قوربانی به‌ صه‌د ناڵین ده‌با

پێچ و تاوی زوڵفی خاو و ڕه‌مز و غه‌مزه‌ی سیحری چاو
ئه‌و له‌لایێ رۆح ده‌کێشێ ئه‌م له‌لایێ دین ده‌با

نه‌شته‌ری چاوی حه‌بیبم دێ به‌ سینه‌مدا ده‌چێ
مه‌رهه‌می نازی طه‌بیبم بۆ دڵی خوێنین ده‌با

من وه‌ها مه‌ستی گوڵه‌ندامم که‌ نازانم ئه‌به‌د
هۆشی من دوگمه‌ی ته‌ڵا یا ساعیدی سیمین ده‌با

تا (وه‌فای) له‌و‌ ده‌ره‌ بێت و بچێ مه‌نعی مه‌که‌
سورمه‌یی خاکی ده‌رت بۆ چاوی پڕ ئه‌سرین ده‌با

Writing at: 9 / 12 / 1390برچسب:وه‌فـــــایـــــی,شێعر کوردی,

Time: By: محمد پیش بینی| |

صفحه قبل 1 1 2 3 4 5 ... 11 صفحه بعد